સાવધાન….. 5 રાજયોની ચૂંટણી પછી પેટ્રોલ અને ડીઝલના ભાવમાં 5થી 8 રૂપિયાનો અને LPG સિલિન્ડરમાં 100 રૂપિયાનો વધારો થઈ શકે છે : ક્રૂડ ઓઈલની કિંમત 90 ડોલરને પાર….

નાણામંત્રી નિર્મલા સીતારમણ 1 ફેબ્રુઆરીએ સંસદમાં બજેટ રજૂ કરશે. આ દિવસે તમારા રસોડાના બજેટને પણ અસર થવાની ધારણા છે, કારણ કે 1 ફેબ્રુઆરીએ એલપીજીના નવા દરો જાહેર થશે. આંતરરાષ્ટ્રીય સ્તરે ક્રૂડ ઓઈલની કિંમત બેરલ દીઠ $90ને પાર કરી ગઈ છે, આવી સ્થિતિમાં એલપીજી સિલિન્ડરના દરમાં વધારો થઈ શકે છે, જો કે એવી પણ શક્યતા છે કે 5 રાજ્યોમાં યોજાનારી ચૂંટણીને ધ્યાનમાં રાખીને ઘરેલુ એલપીજી સિલિન્ડરમાં 5 રાજયોની ચૂંટણી પૂરી થાય ત્યાં સુધી વધારો મુલત્વી રહી શકે છે.

ઓક્ટોબરથી બિન-સબસિડીવાળા ઘરેલુ એલપીજી સિલિન્ડરની કિંમતમાં કોઈ ફેરફાર કરવામાં આવ્યો નથી. તે જ સમયે, પેટ્રોલ અને ડીઝલના દરો પણ સ્થિર છે. ઉત્તર પ્રદેશ, પંજાબ, ઉત્તરાખંડ સહિત 5 રાજ્યોમાં વિધાનસભાની ચૂંટણી યોજાઈ રહી છે. 10 ફેબ્રુઆરીથી 7 માર્ચ સુધી મતદાન થશે અને પરિણામ 10 માર્ચે આવશે. આવી સ્થિતિમાં ઘરેલુ એલપીજી સિલિન્ડરની કિંમતમાં વધારો થવાની શક્યતા ઘણી ઓછી છે.  કોમર્શિયલ સિલિન્ડરના દરમાં થોડો ફેરફાર થઈ શકે છે.

કાચા તેલના ભાવમાં લાગેલી આગને કારણે થયેલા નુકસાનની ભરપાઈ 5 રાજયોની ચૂંટણી પછી થઈ શકે છે. નિષ્ણાતોના મતે પેટ્રોલ અને ડીઝલના ભાવમાં 5-8 રૂપિયાનો વધારો થઈ શકે છે તો LPG સિલિન્ડર 100 રૂપિયા મોંઘા થઈ શકે છે.