ગુજરાત રાજ્યના 17માં મુખ્યમંત્રી તરીકે ભૂપેન્દ્ર પટેલે બપોરે 2.20 કલાકે ચલ ચોઘડીયામાં શપથ લીધા…!!!

ગુજરાત રાજ્યના 17માં મુખ્યમંત્રી તરીકે બપોરે 2.20 કલાકે જ્યેષ્ઠ નક્ષત્ર અને સુદ સાતમની તિથિએ ચલ ચોઘડીયામાં નવા  ભૂપેન્દ્ર પટેલે શપથ લીધા. ભૂપેન્દ્ર પટેલ રાજ્યના પાંચમા પાટીદાર મુખ્યમંત્રી છે. રાજ્યપાલ આચાર્ય દેવવર્તે લેવડાવ્યા શપથ. આ પ્રસંગે રાજ્યના ધારાસભ્યો અને સાંસદોએ હાજરી આપી હતી. કેન્દ્રીય ગૃહમંત્રી અમિત શાહએ શપથવિધિમાં વિશેષ હાજરી આપી હતી. ભાજપ શાસિત અન્ય ચાર રાજ્યોના મુખ્યમંત્રીઓ પણ હાજર રહ્યાં. તેઓની નિમણૂંકથી પાટીદારોમાં ખુશીનો માહોલ જોવા મળી રહ્યો છે.

Congratulations to Bhupendra Bhai on taking oath as CM of Gujarat. I have known him for years and have seen his exemplary work, be it in the BJP Organisation or in civic administration and community service. He will certainly enrich Gujarat’s growth trajectory. @Bhupendrapbjp

— Narendra Modi (@narendramodi) September 13, 2021

ગુજરાતના 17માં મુખ્યમંત્રી તરીકે ભૂપેન્દ્ર પટેલે શપથ લીધા ત્યાર બાદ વડાપ્રધાન નરેન્દ્ર મોદીએ તેમને ટ્વીટરના માધ્યમથી અભિનંદન પાઠવ્યા હતા. ગુજરાત રાજ્યના મુખ્યમંત્રી તરીકે શપથ લેવા બદલ અભિનંદન એવી પોસ્ટ વડાપ્રધાને ટ્વીટર પર મુકી હતી. આ સાથે જ નરેન્દ્ર મોદીએ ગુજરાતના તત્કાલીન મુખ્યમંત્રી વિજય રૂપાણીએ પાંચ વર્ષ દરમિયાન લોકો સાથે મૈત્રીપૂર્ણ સંબંધો રાખી રાજ્ય તથા સમાજના તમામ વર્ગો માટે મહેનત કરી હોવાનો ઉલ્લેખ કર્યો હતો. વડાપ્રધાને લખ્યું કે મને ખાતરી છે કે રૂપાણી આવનારા સમયમાં જાહેર સેવામાં પોતાનું યોગદાન આપતા રહેશે.

શ્રી ભૂપેન્દ્રભાઈ પટેલને ગુજરાત રાજ્યના મુખ્યમંત્રી તરીકે શપથ ગ્રહણ કરવા બદલ અભિનંદન! આપને યશસ્વી કાર્યકાળ માટે ખૂબ-ખૂબ શુભેચ્છાઓ..! @Bhupendrapbjp

— Narendra Modi (@narendramodi) September 13, 2021

ગુજરાતના નવા મુખ્યમંત્રી ભૂપેન્દ્ર પટેલની શપથવિધિમાં હાજરી આપવા કેન્દ્રીય ગૃહમંત્રી અમિત શાહ બપોરે અમદાવાદ એરપોર્ટ આવી પહોંચ્યા હતા, ત્યારે ભૂપેન્દ્ર પટેલે તેમનું સ્વાગત કર્યું હતું. આ અગાઉ નવા મુખ્યમંત્રી ભૂપેન્દ્ર પટેલે ભાજપ પક્ષના પ્રદેશ પ્રમુખ સી.આર. પાટીલના ગાંધીનગર સ્થિત નિવાસસ્થાને શુભેચ્છા મુલાકાત લીધી હતી. આ પહેલાં પટેલ તત્કાલીન મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલને મળ્યા હતા.